რეგიონული განვითარების მინისტრის მოვალეობას ზაზა კვიციანი შეასრულებს
რეგიონული განვითარების მინისტრის მოვალეობას, დროებით, ზაზა კვიციანი შეასრულებს. ამის შესახებ პრემიერ-მინისტრის 197-ე ბრძანებიდან ირკვევა, რომელიც 31 აგვისტოთია დათარიღებული.
ზაზა კვიციანი 2025 წლის აპრილიდან რეგიონული განვითარების მინისტრის მოადგილის პოსტს იკავებს.
როგორც ცნობილია, ხელისუფლება რეგიონული განვითარების სამინისტროს გაუქმებას გეგმავს. უწყება კვლავ ინფრასტრუქტურის სამინისტროს შეუერთდება. უწყების გაუქმენის შესახებ აგვისტოს დასაწყისში, მას შემდეგ გახდა ცნობილი, როდესაც მთავრობამ მამუკა მდინარაძისთვის რეგიონული პოლიტიკის საკითხებში სახელმწიფო მინისტრის პოსტი შექმნა გადაწყვიტა. იმ დროიდან მაშინდელი რეგიონული განვითარების მინისტრი კახა გულედანი პოსტზე მამუკა მდინარაძემ შეცვალა. თუმცა აგვისტოს ბოლოს მამუკა მდინარაძემ პოლიტიკიდან და თანამდებობიდან წასვლის შესახებ განაცხადა. ხელისუფლებამ კი რეგიონული პოლიტიკის სახელმწიფო მინისტრის პოსტის შექმნა გადაიფიქრა. არადა პარლამენტში შესაბამისი საკანონმდებლო ცვლილებები უკვე შეტანილი იყო. შესაბამისად, დღეს მთავრობა ამ კანონპროექტის ცვლილებაზე მუშაობს, რომლის მიხედვითაც რეგიონული განვითარების სამინისტრო კვლავ ინფრასტრუქტურის სამინისტროში გაერთიანდება.
BM.GE
წყარო: bm.ge