SpaceX-ის მთავარი ხომალდის, Starship-ის რიგით მე-13 გამოცდა წარმატებით დასრულდა

ამერიკულმა კოსმოსურმა კომპანია SpaceX-მა ხომალდ Starship-ის მორიგი საგამოცდო ფრენა წარმატებით დაასრულა და ინდოეთის ოკეანის წყლებში უსაფრთხოდ დაეშვა. როგორც ირკვევა, ეს გახდა პირველი შემთხვევა, როდესაც ხომალდმა ოკეანეში დაშვება დაზიანების გარეშე შეძლო და საკონტროლო ცენტრისთვის მონაცემების გადაცემა გააგრძელა. აღსანიშნი ფაქტია ისიც, რომ ეს SpaceX-ის პირველი მასშტაბური მიღწევაა ივნისში კომპანიის საფონდო ბირჟაზე გამოსვლის შემდეგ.

როგორც ირკვევა, საჰაერო მისიის წარმატებულად შეფასება რამდენიმე საკვანძო ტექნოლოგიური ამოცანის შესრულებამ განაპირობა. ფრენის ფარგლებში ხომალდმა ორბიტაზე Starlink-ის V3 ტიპის 20 ახალი, გაზრდილი გამტარუნარიანობის მქონე თანამგზავრი გაიყვანა, რომლებმაც არსებულ ქსელთან კავშირი წარმატებით დაამყარეს. ამასთან, ტესტირებამ ცხადყო, რომ ხომალდის განახლებული თბოდამცავი ფარი ეფექტურად მუშაობს. ის ახლა SpaceX-ის ინჟინრებს გადაეცემათ, რათა მათ კრიტიკულად მნიშვნელოვანი მონაცემების შეაგროვონ და მომდევნო ტესტირებისთვის რაკეტა უკეთ მოამზადონ.

ცნობისთვის, 122 მეტრის სიმაღლის Starship-ის ეს რიგით მე-13 საგამოცდო ფრენა იყო და ის ტეხასის შტატში მდებარე Starbase-ის პოლიგონიდან განხორციელდა. ხომალდის მესამე თაობის მოდელს მაისის ტესტირების შემდეგ პროგრამული და აპარატურული განახლებები დაემატა.