ვლადიმერ პუტინი:რუსეთში საწვავის ბაზარზე დროებითი ხასიათის სირთულეებია

სირთულეები რუსეთის საწვავის ბაზარზე არსებული სირთულეები დროებითი ხასიათისაა და ისინი ეკონომიკის საერთო სურათზე გავლენას ვერ მოახდენს. ამის მან ეკონომიკურ საკითხებზე გამართულ თათბირზე განაცხადა.

„აღვნიშნავ, რომ შიდა ეკონომიკის, ეკონომიკის დარგების, მისი საკვანძო სექტორების მდგომარეობა სტაბილურია, მიუხედავად გარე მცდელობებისა, დესტაბილიზაცია შეიტანონ საწვავ-ენერგეტიკულ კომპლექსსა და ზოგიერთ სხვა სექტორში“, — განაცხადა პუტინმა.

რუსული გამოცემა RBC წერს, რომ რუსეთის რიგ რეგიონებში, გაზაფხულიდან მოყოლებული, საწვავის მიწოდების კუთხით ვითარება გართულდა. კრემლში განაცხადეს, რომ პრობლემის მოგვარებაზე ხელისუფლების ყველა დონე მუშაობს. 4 ივლისს პუტინმა ხელი მოაწერა კანონს, რომელიც, მათ შორის, შიდა ბაზრის ბენზინითა და დიზელის საწვავით უზრუნველყოფისკენაა მიმართული. შესწორებები შეაქვს პირდაპირი გამოხდით მიღებული ბენზინის სხვა კომპონენტებთან შერევის ნებართვას მაღალოქტანიანი ავტოსაწვავის მისაღებად. დიზელის საწვავის ექსპორტზე აკრძალვა 8 ივლისს დაწესდა.