„ყაზტრანსოილმა“ საქართველოს დერეფანით ჯამში 1.4 მლნ ტონა ნავთობი და ნავთობპროდუქტები გადაზიდა

„ყაზტრანსოილმა“ 2026 წლის პირველ ნახევარში საქართველოს გავლით 1.4 მლრდ ტონა ნავთობი და ნავთობპროდუქტების გადაზიდა.

„ყაზტრანსოილის“ მონაცემებით, წელს 6 თვეში აქთაუს პორტში „ყაზტრანსოილის“ ობიექტებიდან ტანკერებში 1,713,000 ტონა ნავთობი ჩაიტვირთა, მათ შორის 704,000 ტონა ბაქო-თბილისი-ჯეიჰანის ნავთობსადენის მიმართულებით.

ამავე პერიოდში „ბათუმის ნავთობტერმინალის“ კომპანიების ჯგუფმა 725,000 ტონა ნავთობი, ნავთობპროდუქტები და გაზი გადაზიდა. ტვირთის გადაზიდვის საერთო მოცულობამ კი, ბათუმის საზღვაო ნავსადგურში 4,008,000 ტონა შეადგინა, რაც 324,000 ტონით მეტია 2025 წლის პირველ ნახევართან შედარებით.

ბათუმის საზღვაო ნავსადგურის ინფრასტრუქტურა მოიცავს 11 ნავმისადგომს, უნავმისადგომო ჩამოსხმის თანამედროვე კომპლექსს, საზღვაო ფლოტის 12 გემსა და 11 პორტალურ ამწეს.

ბათუმის ნავთობტერმინალი შავი ზღვის რეგიონის ერთ-ერთი უმსხვილესი სპეციალიზებული ნავთობგაზის ტერმინალია, რომლის გამტარუნარიანობაც წელიწადში 11 მლნ ტონამდე ტვირთს შეადგენს.