პოლონეთის საგარეო საქმეთა სამინისტრომ მზია ამაღლობელს ლეხ ვალენსას ჯილდო გადასცა
30 სექტემბერს ვარშავაში გამართულ ოფიციალურ ცერემონიაზე, რომელსაც პოლონეთის ვიცე-პრემიერი, საგარეო საქმეთა მინისტრი რადოსლავ სიკორსკი და თავად ლეხ ვალენსა ესწრებოდნენ, „ბათუმელებისა“ და „ნეტგაზეთის“ დამფუძნებელს, მზია ამაღლობელს ლეხ ვალენსას სახელობის სოლიდარობის ჯილდო მიენიჭა.
ვინაიდან ლაურეატი ადგილზე არ იმყოფებოდა, ჯილდო პოლონეთის საგარეო საქმეთა მინისტრმა „ბათუმელების“ წარმომადგენელს, ირმა დიმიტრაძეს გადასცა.
ცნობილი პოლონელი პოლიტიკოსისა და ნობელის პრემიის ლაურეატის, ლეხ ვალენსას სახობის ეს პრესტიჟული ჯილდო გადაეცემათ იმ პირებსა და ორგანიზაციებს, რომლებსაც განსაკუთრებული წვლილი შეაქვთ სამოქალაქო თავისუფლებების დაცვასა და დემოკრატიის ხელშეწყობაში. ჯილდო კიდევ ერთხელ უსვამს ხაზს საერთაშორისო სოლიდარობისა და თავისუფლების იდეების ერთგულებას მსოფლიო მასშტაბით.
ფორმულა
წყარო: formulanews.ge