ABC News: ტრამპი აშშ-ის გენპროკურორის თანამდებობაზე ტოდ ბლანშის წარდგენას გეგმავს
იმედი|imedinews.ge
აშშ-ის პრეზიდენტმა დონალდ ტრამპმა განაცხადა, რომ გენერალური პროკურორის თანამდებობაზე ტოდ ბლანშის წარდგენას გეგმავს. ინფორმაციას ABC News-ი საკუთარ წყაროებზე დაყრდნობით ავრცელებს.
ტელეარხის ცნობით, თეთრი სახლის ადმინისტრაციის ხელმძღვანელის მოადგილემ დენ სკავინომ სოციალურ ქსელში გამოაქვეყნა ვიდეო, რომელშიც ჩანს ტრამპი, რომელიც ვარდების ბაღში სეირნობს და ამბობს, რომ ხუთშაბათს საკუთარ გუნდს ბლანშის პოსტზე დასამტკიცებლად ოფიციალური პროცედურის დაწყებას დაავალებს.
როგორც ტელეარხი აღნიშნავს, ბლანში დღეს აშშ-ის გენერალური პროკურორის მოვალეობას ასრულებს. გენპროკურორის თანამდებობა ვაკანტური მას შემდეგ გახდა, რაც ტრამპმა აპრილში პემ ბონდი თანამდებობიდან გაათავისუფლა.
გაზიარება:
IM
იმედი
წყარო: imedinews.ge
