არჩილ კალანდია საქართველოს, თურქეთისა და აზერბაიჯანის საგარეო საქმეთა მინისტრების შეხვედრაზე: ეს მნიშვნელოვანი პლატფორმაა ჩვენს მეზობელ და სტრატეგიულ-პარტნიორ სახელმწიფოებთან ორმხრივი და მრავალმხრივი მიმართულებით თანამშრომლობის კიდევ უფრო გასაღრმავებლად

ეს მნიშვნელოვანი პლატფორმაა ჩვენს მეზობელ და სტრატეგიულ-პარტნიორ სახელმწიფოებთან ორმხრივი და მრავალმხრივი მიმართულებით თანამშრომლობის კიდევ უფრო გასაღრმავებლად, - განუცხადა ჟურნალისტებს საქართველოს საგანგებო და სრულუფლებიანმა ელჩმა თურქეთში არჩილ კალანდიამ საქართველოს, თურქეთისა და აზერბაიჯანის საგარეო საქმეთა მინისტრების რიგით მეათე სამმხრივ შეხვედრაზე.

ელჩის თქმით, შეხვედრისას განხილული იქნება რეგიონული და გლობალური დაკავშირებადობის, სავაჭრო ეკონომიკური მიმართულებით, ასევე ენერგეტიკული უსაფრთხოების კუთხით და სხვა აქტუალური საკითხების მიმართულებით თანამშრომლობის გაძლიერების საკითხები.

„შეხვედრის შემდეგ მინისტრები გამართავენ ერთობლივ პრესკონფერენციას. შეხვედრის შედეგად ხელი მოეწერება ერთობლივ დეკლარაციასაც. გარდა ამისა, საქართველოს ვიცე-პრემიერი, საგარეო საქმეთა მინისტრი ორმხრივ ფორმატშიც გამართავს შეხვედრებს თურქ და აზერბაიჯანელ კოლეგებთან“, - აღნიშნა მან.