აშშ-მა უკრაინისთვის 108 მილიონი დოლარის ღირებულების Hawk-ის ტიპის სარაკეტო სისტემების მიყიდვა დაამტკიცა
იმედი|imedinews.ge
აშშ-ის სახელმწიფო დეპარტამენტმა უკრაინისთვის 108 მილიონი დოლარის ღირებულების Hawk-ის ტიპის სარაკეტო სისტემების მიყიდვა დაამტკიცა.
„აღნიშნული მიყიდვა აშშ-ს ეროვნული უსაფრთხოებისა და საგარეო პოლიტიკის მიზნების მიღწევაში დაეხმარება, პარტნიორი ქვეყნის უსაფრთხოების გაძლიერების გზით, რომელიც ევროპაში პოლიტიკური და ეკონომიკური სტაბილურობის მამოძრავებელი ძალაა“, - აღნიშნულია სახელმწიფო დეპარტამენტის მიერ გავრცელებულ ინფორმაციაში.
ამერიკული მხარის მტკიცებით, ახალი იარაღი გააძლიერებს უკრაინის შესაძლებლობებს, წინ აღუდგეს არსებულ საფრთხეებს.
უკრაინას გაუჩნდება შესაძლებლობა ახალი შეიარაღებითა და ინტეგრირებული ჰაერსაწინააღმდეგო თავდაცვის სისტემებით დაიცვას თავი და რეგიონული უსაფრთხოება უზრუნველყოს.
გაზიარება:
იმედი
წყარო: imedinews.ge