AXIOS: აშშ-ის ხაზინის მდივანი, სკოტ ბესენტი G20-ის სამიტის ფარგლებში რუსეთის ფინანსთა მინისტრს, ანტონ სილუანოვს შეხვდა - აღნიშნული ნაბიჯი ტრამპის ადმინისტრაციის მხრიდან მოსკოვთან მაღალი დონის დიპლომატიური კავშირების აღდგენის მკაფიო სიგნალია

აშშ-ის ხაზინის მდივანი, სკოტ ბესენტი G20-ის სამიტის ფარგლებში რუსეთის ფინანსთა მინისტრს, ანტონ სილუანოვს შეხვდა - აღნიშნული ნაბიჯი ტრამპის ადმინისტრაციის მხრიდან მოსკოვთან მაღალი დონის დიპლომატიური კავშირების აღდგენის მკაფიო სიგნალია, - წერს ამერიკული გამოცემა AXIOS-ი.

უკრაინაში სრულმასშტაბური შეჭრის შემდეგ, რუსეთის უმაღლესი ფინანსური მოხელე გლობალურ ეკონომიკურ ფორუმს პირადად პირველად ესწრება.

სილუანოვის გამოჩენამ კიდევ უფრო გამოკვეთა ღრმა უთანხმოება აშშ-სა და მის ევროპელ მოკავშირეებს შორის იმასთან დაკავშირებით, თუ როგორ უნდა ეპყრობოდეს საერთაშორისო საზოგადოება მოსკოვს.

აშშ-ის ხაზინის წარმომადგენელმა აღნიშნა, რომ ბესენტმა და სილუანოვმა ტრამპის სამშვიდობო გეგმა და ეკონომიკური ზრდის საკითხები განიხილეს. თავის მხრივ, რუსეთის ფინანსთა სამინისტროს განცხადებით, მხარეებმა ორ ქვეყანას შორის არსებული ფინანსური საკითხები და G20-ის ფარგლებში თანამშრომლობა მიმოიხილეს.

შეხვედრა უკრაინაში მიმდინარე ომის ფონზე შედგა, როდესაც ევროპული სახელმწიფოები კვლავ აქტიურად იყენებენ სანქციებს რუსეთის ეკონომიკასა და ფინანსურ სექტორზე ზეწოლის მიზნით.