CENTCOM: ისლამური რევოლუციის გუშაგთა კორპუსის ძალებმა ირანიდან ახლო აღმოსავლეთში დისლოცირებულ აშშ-ის ძალების მიმართულებით რამდენიმე ბალისტიკური რაკეტა გაუშვეს

აშშ-ის შეიარაღებული ძალების ცენტრალური სარდლობის (CENTCOM) ინფორმაციით, ირანის ისლამური რევოლუციის გუშაგთა კორპუსმა ახლო აღმოსავლეთში დისლოცირებული ამერიკული ჯარის მიმართულებით ბალისტიკური რაკეტები გაუშვა.

როგორც CENTCOM-ის მიერ გავრცელებულ ინფორმაციაშია აღნიშნული, ამით რევოლუციის გუშაგთა კორპუსს ამერიკაზე მოულოდნელი თავდასხმის განხორციელება სურდა, თუმცა უშედეგოდ.

„დღეს, აღმოსავლეთის დროით 17:45 საათზე, ისლამური რევოლუციის გუშაგთა კორპუსის ძალებმა ირანიდან ახლო აღმოსავლეთში დისლოცირებულ აშშ-ის ძალებზე მოულოდნელი თავდასხმის მცდელობისას რამდენიმე ბალისტიკური რაკეტა გაუშვეს. ირანის მიერ გაშვებული ყველა რაკეტა წარმატებით იქნა ჩამოგდებული. აშშ-ის ძალები კვლავაც სრულ საბრძოლო მზადყოფნაში არიან და მაღალი დონის სიფხიზლეს ინარჩუნებენ“, - აღნიშნეს აშშ-ის ცენტრალურ სარდლობაში.

At 5:45 p.m. ET today, Islamic Revolutionary Guard Corps forces launched multiple ballistic missiles from Iran in an attempted surprise attack on U.S. forces based in the Middle East. All Iranian missiles were successfully intercepted. U.S. forces remain vigilant and at a high… — U.S. Central Command (@CENTCOM) July 28, 2026