დონალდ ტრამპი: ახლახან წავიკითხე ირანის ე.წ. წარმომადგენლების პასუხი. არ მომწონს - სრულიად მიუღებელია

შეერთებული შტატების პრეზიდენტი ომის დასრულების შესახებ ამერიკის წინადადებაზე ირანის პასუხით უკმაყოფილოა. სოციალურ ქსელში გამოქვეყნებულ განცხადებაში დონალდ ტრამპმა მას აბსოლუტურად მიუღებელი უწოდა.

„ახლახან წავიკითხე ირანის ე.წ. წარმომადგენლების პასუხი. არ მომწონს - სრულიად მიუღებელია!“ - წერს ტრამპი.

ირანმა შეერთებულ შტატებს კონფლიქტის დასრულების შესახებ შეთავაზებულ უახლოეს წინადადებაზე პასუხი წუხელ, პაკისტანის შუამავლობით გაუგზავნა. დეტალები არ გახმაურებულა, თუმცა მედიის ცნობით, დოკუმენტი ითვალისწინებს ყველა ფრონტზე, მათ შორის ლიბანში ომის დასრულებას, აშშ-ის მიერ ჰორმუზის სრუტეში ბლოკადის მოხსნას და ნავიგაციის უსაფრთხოებას, ასევე გარანტიებს, რომ აშშ ირანს მომავალში თავს აღარ დაესხმება.