დონალდ ტრამპმა და მელანია ტრამპმა თეთრ სახლში ბრიტანეთის მეფესა და დედოფალს უმასპინძლეს
აშშ-ის პრეზიდენტმა დონალდ ტრამპმა და პირველმა ლედიმ მელანია ტრამპმა თეთრ სახლში ბრიტანეთის მეფესა და დედოფალს უმასპინძლეს.
ეს არის ბრიტანეთის მოქმედი მონარქის პირველი ვიზიტი თეთრ სახლში 2007 წლის შემდეგ, როდესაც ჯორჯ ბუშის პრეზიდენტობისას ვაშინგტონს დედოფალი ელისაბედი ეწვია.
დღევანდელი დღის განრიგი შედარებით არაფორმალურია. მოგვიანებით, ტრამპები სამეფო წყვილს თეთრი სახლის საფუტკრეებს დაათვალიერებინებენ. ეს ჟესტი მეფე ჩარლზის მხრიდან გარემოს დაცვის მრავალწლიანი მხარდაჭერის აღიარებაა.
ამის შემდეგ, მეფე და დედოფალი ბრიტანეთის ელჩის რეზიდენციაში დაგეგმილ „ბაღის წვეულებას“ დაესწრებიან. რეზიდენცია მასაჩუსეტსის ავენიუზე, ვიცე-პრეზიდენტის სასახლის მახლობლად მდებარეობს.
ხვალ დილით კი თეთრ სახლში ჩარლზისა და კამილას დახვედრის სრული, საზეიმო ცერემონია გაიმართება.
იმედი
წყარო: imedinews.ge