ესმაილ ბაღაი: შეიძლება ითქვას, რომ ჩვენ შეთანხმებასთან ერთდროულად ახლოსაც და შორსაც ვართ, მაგრამ ისიც უნდა აღინიშნოს, რომ პროცესი ხედვის დაახლოებისკენ მიდის

ირანი თეირანსა და ვაშინგტონს შორის პაკისტანის შუამავლობით გამართულ მოლაპარაკებებში პროგრესისა და გარკვეულ პუნქტებში აზრთა სხვადასხვაობის შემცირებას ადასტურებს. განცხადება ისლამური რესპუბლიკის საგარეო საქმეთა სამინისტროს წარმომადგენელმა, ესმაილ ბაღაიმ გააკეთა და აღნიშნა, რომ გარკვეული საკითხები ისევ მოსაგვარებელია.

„გასული კვირის განმავლობაში პროცესი აზრთა სხვადასხვაობის შემცირებისკენ დაიძრა, მაგრამ ჯერ კიდევ რჩება საკითხები, რომლებიც შუამავლების მონაწილეობით მსჯელობას მოითხოვს. ისღა გვრჩება, დაველოდოთ, რა შედეგებს მოიტანს მომავალი 3-4 დღე. უნდა გვახსოვდეს, რომ ამერიკა-ირანის მტრობა რამდენიმე ათწლეულს ითვლის. რაც შეეხება ბირთვულ პრობლემას, ვერ დავაიგნორებთ იმ ფაქტს, რომ ამერიკას არაერთხელ დაურღვევია აღებული ვალდებულება. შეიძლება ითქვას, რომ ჩვენ შეთანხმებასთან ერთდროულად ახლოსაც და შორსაც ვართ, მაგრამ ისიც უნდა აღინიშნოს, რომ პროცესი ხედვის დაახლოებისკენ მიდის“, - განაცხადა ბაღაიმ.