Euractiv: ევროკავშირი განიხილავს შესაძლებლობას, რომ გაწვევის ასაკის უკრაინელი კაცები დროებითი დაცვის გაფართოებული სქემიდან გამორიცხოს
ევროკავშირი განიხილავს შესაძლებლობას, რომ გაწვევის ასაკის უკრაინელი კაცები დროებითი დაცვის გაფართოებული სქემიდან გამორიცხოს. სქემა უკრაინაში რუსეთის სრულმასშტაბიანი შეჭრის შემდეგ შემოიღეს და ამჟამად 2027 წლის მარტამდე მოქმედებს.
Euractiv-ის ცნობით, აღნიშნული წინადადება ევროკავშირის დროებითი დაცვის დირექტივის მომავალი გაგრძელების განხილვისას გაჟღერდა, რომელიც უკრაინელებს საშუალებას აძლევს, ევროპაში თავშესაფრის მიღების ეროვნული სისტემებისთვის მიმართვის გარეშე იცხოვრონ და იმუშაონ.
გამოცემის ინფორმაციით, განიხილება დროებითი დაცვის ვადის გაგრძელების ვარიანტი მისი მოქმედების სფეროს შევიწროებით - გაწვევის ასაკის კაცების ან უკრაინიდან არალეგალურად წასული პირების გამორიცხვით. აღინიშნება, რომ ნებისმიერი მსგავსი შეზღუდვა დროებითი დაცვის ახალ მაძიებლებზე გავრცელდება.
გასულ წელს ევროკომისიამ ევროპულ დედაქალაქებს მოუწოდა, პროგრამის ეტაპობრივი შეწყვეტისთვის მოემზადონ.
ზოგიერთმა ეროვნულმა მთავრობამ გამოხატა შეშფოთება იმის გამო, რომ ახლად ჩასულთა შორის „გაწვევის ასაკის კაცების“ წილი იზრდება. ამასთან, რიგი ქვეყნები ამტკიცებენ, რომ ეს სისტემა უნდა გადაიხედოს „უკრაინის ინტერესების გათვალისწინებითაც“, როგორც რუსული აგრესიისადმი ქვეყნის წინააღმდეგობის მხარდასაჭერად, ისე მომავალი აღდგენისთვის.
მიგრაციის საკითხთა მინისტრები ამ თემას იუსტიციისა და საშინაო საქმეთა საბჭოს სხდომაზე მიმდინარე კვირაში განიხილავენ.
იმედი
წყარო: imedinews.ge