Euronews: ევროკომისიამ გააფრთხილა ალბანეთი, რომ მან დაუყოვნებლივ უნდა იმოქმედოს, რათა საფრთხე არ შეუქმნას ბლოკში გაწევრიანების განაცხადს, რაც მისგან ევროკავშირის გარემოსდაცვითი წესების დაცვას მოითხოვს
ევროკომისიამ გააფრთხილა ალბანეთი, რომ მან დაუყოვნებლივ უნდა იმოქმედოს, რათა საფრთხე არ შეუქმნას ბლოკში გაწევრიანების განაცხადს, რაც მისგან ევროკავშირის გარემოსდაცვითი წესების დაცვას მოითხოვს. ინფორმაციას ამის შესახებ Euronews-ი ავრცელებს.
ალბანეთში სულ უფრო იზრდება პროტესტი ჯარედ კუშნერის მიერ მხარდაჭერილი კურორტის განვითარების წინააღმდეგ - ხუთშაბათს ტირანას ქუჩებში ათასობით ადამიანი გამოვიდა.
კუშნერი და მისი საინვესტიციო ფირმა Affinity Partners-ი მოლაპარაკებებს აწარმოებენ ალბანეთის ადრიატიკის სანაპიროზე, დაცულ ტერიტორიაზე, დაახლოებით 4 მილიარდი დოლარის ღირებულების მდიდრული კურორტის გახსნის თაობაზე.
თუმცა, მომიტინგეები ამ გეგმებს ეწინააღმდეგებიან და აცხადებენ, რომ ეს ზიანს მიაყენებს ადგილობრივ გარემოს. ზოგიერთი მათგანი ამ საკითხის გამო ალბანეთის პრემიერ-მინისტრის, ედი რამას გადადგომასაც კი ითხოვს.
ევროკომისიამ გააფრთხილა ალბანეთი, რომ მან დაუყოვნებლივ უნდა იმოქმედოს, რათა საფრთხე არ შეუქმნას ბლოკში გაწევრიანების განაცხადს, რაც მისგან ევროკავშირის გარემოსდაცვითი წესების დაცვას მოითხოვს.
„ალბანეთმა თავი უნდა შეიკავოს ისეთი ქმედებებისგან, რომლებმაც შეიძლება ხელი შეუშალოს საბოლოო კრიტერიუმის შესრულებას - ამ შემთხვევაში 27-ე თავის - ამიტომ ჩვენ ველოდებით, რომ ალბანეთის ხელისუფლება ყოველგვარი შეფერხების გარეშე იმოქმედებს“, - განაცხადა კომისიის პრესსპიკერმა, გიომ მერსიემ მიმდინარე კვირის დასაწყისში.
იმედი
წყარო: imedinews.ge