ევროკავშირის სპეციალური წარმომადგენელი: მჯერა, რომ დაკავშირებადობას და ზოგადად, დაკავშირებადობის დღის წესრიგს შეუძლია მშვიდობისა და მისი სარგებლის განმტკიცება. ევროკავშირისთვის დაკავშირებადობა გადამწყვეტი მნიშვნელობისაა

სამხრეთ კავკასიასა და საქართველოში კრიზისის საკითხებში ევროკავშირის სპეციალურმა წარმომადგენელმა მაგდალენა გრონომ საერთაშორისო კონფერენციის - „ერევნის დიალოგი 2026“ თემატურ დისკუსიაზე გამოსვლისას დაკავშირებადობის თემის მნიშვნელობაზე გაამახვილა ყურადღება.

„ახალი შესაძლებლობები იხსნება ახლო აღმოსავლეთთან უფრო მეტი თანამშრომლობისთვის. ეს არის მომენტი, როცა უნდა განვამტკიცოთ სტაბილურობა. მჯერა, რომ დაკავშირებადობას და ზოგადად, დაკავშირებადობის დღის წესრიგს შეუძლია მშვიდობისა და მისი სარგებლის განმტკიცება. ევროკავშირისთვის დაკავშირებადობა გადამწყვეტი მნიშვნელობისაა. ჩვენთვის მნიშვნელოვანია მიწოდების ჯაჭვისა და ტრანზიტის უსაფრთხოება, თუმცა, არა მხოლოდ უსაფრთხოება, არამედ სანდო პარტნიორობაზე ყურადღების გამახვილებაა საჭირო“, - განაცხადა მაგდალენა გრონომ.