გიორგი სოსიაშვილი: არ დარჩა ისეთი თემა, რითაც რადიკალები, ექსტრემისტები არ სპეკულირებენ. ყველაფერს ატრიალებენ, იყენებენ სათავისოდ. ჩვენ ვართ განსაკუთრებული გეოპოლიტიკური მოცემულობის ქვეყანა

საპარლამენტო უმრავლესობის წევრი, განათლების კომიტეტის თავმჯდომარის მოადგილე გიორგი სოსიაშვილი რადიკალების მიერ გაკეთებულ განცხადებებს გამოეხმაურა, რომელიც მათ საქართველოს პრეზიდენტის ირანში ჩასვლასთან დაკავშირებით გააკეთეს.

„არ დარჩა ისეთი თემა, რითაც რადიკალები, ექსტრემისტები არ სპეკულირებენ. ყველაფერს ატრიალებენ, იყენებენ სათავისოდ. ჩვენ ვართ განსაკუთრებული გეოპოლიტიკური მოცემულობის ქვეყანა, რომელსაც გარშემო მყოფ სახელმწიფოებთან აქვთ კარგი ურთიერთობა და ესეც არის ამ სამეზობლოში ნორმალური ურთიერთობის ერთგვარი ჟესტი“, - განაცხადა სოსიაშვილმა.

სპეკულაცია საქართველოს პრეზიდენტის ირანში ჩასვლასთან დაკავშირებით და ორმაგი სტანდარტი სხვა ქვეყნის ლიდერების მისამართით - როგორც საპარლამენტო ოპოზიციასა და მმართველ გუნდში მიიჩნევენ, კონკრეტული ძალების მიზანი საქართველოს ინტერესების დაზიანებაა. ისინი გეოპოლიტიკურ ვითარებაზე ამახვილებენ ყურადღებას და ხაზს უსვამენ თურქეთის, აზერბაიჯანისა და სომხეთის ლიდერების ირანში ჩასვლას, მათ განცხადებებს რუსეთთან დაკავშირებით.