გურამ მაჭარაშვილი: 8 აგვისტოს, როდესაც მთელი საქართველო ვიხსენებთ იმ გმირებს, რომლებიც დაეცნენ საქართველოს ინტერესების დასაცავად ბრძოლაში, ეს ხალხი ჩადის ლგბტ დროშების ასაფრიალებლად უცხოეთში. იტყვის, რომ კაცების ქორწინება უნდა დაკანონდეს საქართველოში

„ხალხის ძალის“ აღმასრულებელი მდივანი, დეპუტატი გურამ მაჭარაშვილი „თბილისი პრაიდის“ მიერ გავრცელებულ ინფორმაციას ეხმიანება, რომელიც 8 აგვისტოს, ბელგიის ქალაქ ანტვერპენის პრაიდში მონაწილეობის საკითხს ეხება.

„8 აგვისტოს, როდესაც მთელი საქართველო ვიხსენებთ იმ გმირებს, რომლებიც დაეცნენ საქართველოს ინტერესების დასაცავად ბრძოლაში, ეს ხალხი ჩადის ლგბტ დროშების ასაფრიალებლად უცხოეთში. აქ საქართველომ უნდა იგლოვოს ის ჯარისკაცები და ასევე გავიხსენოთ მათი გმირობა, ეს ხალხი ჩავა და იქ ლგბტ დროშებს აფრიალებს და იტყვის, რომ კაცების ქორწინება უნდა დაკანონდეს საქართველოში. აი, ესაა ახლა ასარჩევი“, - განაცხადა მაჭარაშვილმა.

„თბილისი პრაიდმა“ ინფორმაცია გაავრცელა: „წელს თბილისი პრაიდი და BelGeo ერთიანდებიან, რათა ბელგიაში, ქალაქ ანტვერპენის პრაიდზე საქართველოს ქვიარ თემი წარმოვადგინოთ გზავნილით, რომელიც საზღვრებს მიღმა გამძლეობას, წინააღმდეგობასა და სოლიდარობას ეყრდნობა“.