გურამ მაჭარაშვილი ევროპული პოლიტიკური საზოგადოების მე-8 ფორუმზე: ევროკავშირისთვის და ბევრი სხვა ქვეყნისთვის საქართველო შუა დერეფანში არის მთავარი როლის შემსრულებელი და ფორუმზე ამ საკითხზეც იქნება მსჯელობა

„ხალხის ძალის“ აღმასრულებელმა მდივანმა, გურამ მაჭარაშვილმა ევროპული პოლიტიკური საზოგადოების მე-8 ფორუმზე „დღის ქრონიკაში“ ისაუბრა. მისი თქმით, მნიშვნელოვანია ის ფაქტი, ფორუმი ერევანში იმართება და ბუნებრივია, საქართველო იქ წარმოდგენილი იქნება.

„როგორც ვიცი, ეს ფორუმი ერევანში იმართება. როდესაც „ნაციონალური მოძრაობა“ და მისი უცხოელი პატრონები ქილიკით საუბრობენ იმაზე, თუ რატომ უნდა ჩავიდეს საქართველოს წარმომადგენლობა ამ ფორუმზე, როდესაც ვითომ ევროპის წინააღმდეგ გამოდის საქართველო, ეს არის ტყუილი. ერთი, ის, რომ ჩვენ არ გამოვდივართ ევროპული ღირებულებების წინააღმდეგ და არც ევროპის წინააღმდეგ. ჩვენ ევროკავშირის ბიუროკრატიას ვაკრიტიკებდით და ახლა ჩვენ გადაგვასწრო ამერიკის პრეზიდენტმა.

ფორუმი ერევანში იმართება და აქ ბუნებრივად იქნება საქართველოს წარმომადგენლობა. ევროკავშირისთვის და ბევრი სხვა ქვეყნისთვის საქართველო შუა დერეფანში არის მთავარი როლის შემსრულებელი და დარწმუნებული ვარ, ეს ფაქტორი გათვალისწინებული იქნება და ფორუმზე ამ საკითხზეც იქნება მსჯელობა“, - აღნიშნა გურამ მაჭარაშვილმა.