გურამ მაჭარაშვილი კანდელაკის „კვლევაზე“: მტკიცებულებები რომ ჰქონდეთ, თუნდაც ირიბი, საჯაროდ არ გამოაქვეყნებდნენ? - ამერიკა-საქართველოს ურთიერთობის დალაგების პროცესი მათთვის არის კოშმარი

მტკიცებულებები რომ ჰქონდეთ, თუნდაც ირიბი, საჯაროდ არ გამოაქვეყნებდნენ? რა თქმა უნდა გამოაქვეყნებდნენ, - განაცხადა „ხალხის ძალის“ აღმასრულებელმა მდივანმა გურამ მაჭარაშვილმა, რითაც გამოეხმაურა გიორგი კანდელაკის „კვლევაზე“ დაყრდნობით გავრცელებულ ინფორმაციას.

საუბარია ამერიკული მედიასაშუალების სტატიაზე, სადაც საქართველო ტერორისტული ოპერაციების ცენტრად არის მოიხსენიებული.

„ეუბნებიან - გამოგვეცალა დაძაბულობის მუხტი, არგუმენტები და ახლა უნდა თქვათ, რომ იქ ტერორისტი იზრდება, იქ ტერორიზმის სასწავლებლებია. რატომ? იმიტომ რომ, ამერიკა-საქართველოს ურთიერთობის დალაგების პროცესი ამათთვის არის კოშმარი“, - აღნიშნა მაჭარაშვილმა.

„ქართული ოცნების“ ხელმძღვანელობით, თბილისი ირანელი რეკრუტირებისა და ტერორისტული ოპერაციების ნაყოფიერ ნიადაგად იქცა, - ამ სათაურით აქვეყნებს ამერიკული გამოცემა The Washington Free Beacon სტატიას, რომლის ავტორი, ადამ კრედო, ოპოზიციის მხარდამჭერების - ჯო უილსონისა და ლუკ კოფის გარდა, ოპოზიციონერ გიორგი კანდელაკის განცხადებებსაც ეყრდნობა.

კანდელაკი აცხადებს, რომ ალ-მუსტაფას, რომელიც დონალდ ტრამპმა 2020 წელს ტერორისტულ ორგანიზაციად გამოაცხადა, საქართველოში უნივერსიტეტის სამი კამპუსი აქვს.