ილია ინჯია: ვულოცავ სრულიად საქართველოს 26 მაისს - ეს თარიღი არის თავისუფლების, სახელმწიფოებრივი ღირსებისა და ეროვნული ერთიანობის სიმბოლო
იმედი|imedinews.ge
საქართველოს პარლამენტის ვიცე-სპიკერი, პოლიტიკური ჯგუფის „ევროპელი სოციალისტების“ ლიდერი, ილია ინჯია მოსახლეობას საქართველოსა დამოუკიდებლობის დღეს ულოცავს.
„ვულოცავ სრულიად საქართველოს 26 მაისს - ჩვენი ქვეყნის დამოუკიდებლობის დღეს! ჩვენ ბევრი წელი გავიარეთ 26 მაისამდე. იყო ბევრი ემოცია, დაიღვარა ბევრი სისხლი, ჩვენს სამშობლოს ბევრი ტკივილის გადატანა მოუწია დამოუკიდებლობამდე მოსასვლელად, რომლისთვისაც დღემდე ვიბრძვით.
ეს თარიღი არის თავისუფლების, სახელმწიფოებრივი ღირსებისა და ეროვნული ერთიანობის სიმბოლო. დამოუკიდებლობა უდიდესი პასუხისმგებლობაა, რომლის დაცვაც თითოეული ჩვენგანის ვალია. ვუსურვებ ჩვენს ქვეყანას მშვიდობას, გაძლიერებას, განვითარებასა და წარმატებულ მომავალს“, - წერს ილია ინჯია.
გაზიარება:
IM
იმედი
წყარო: imedinews.ge