ირაკლი ქადაგიშვილი ევროპარლამენტის ანგარიშზე: ასეთი ტიპის ანგარიშები კარგავს ინტერესს საქართველოშიც და საბოლოო ჯამში ევროპარლამენტის და ევროკავშირის დისკრედიტაციას ემსახურება უფრო მეტად
ეს არის ფაქტობრივად ერთობლივი ნამუშევარი „კოლექტიური ნაცმოძრაობისა“, როგორც ქვეყნის შიგნით, ასევე ქვეყნის გარეთ, - განუცხადა „ქრონიკას“ პარლამენტის რეგიონული პოლიტიკისა და თვითმმართველობის კომიტეტის თავმჯდომარე, ირაკლი ქადაგიშვილმა.
მისივე თქმით, ასეთი ტიპის ანგარიშები კარგავს ინტერესს საქართველოშიც და საბოლოო ჯამში ევროპარლამენტის და ევროკავშირის დისკრედიტაციას ემსახურება უფრო მეტად.
„როდესაც ანგარიშში წერია, რომ სამი დამოუკიდებელი ტელევიზია უნდა დასანქცირდეს, ამით მერე კიდევ აგრძელებენ საუბარს იმაზე, რომ ეს შეიძლება საქართველოში იყოს დემოკრატიის უკუსვლა და პრესაზე თავდასხმა, უკვე ნათელია, რომ ეს ყველაფერი მართლაც სრულ დეზინფორმაციასა და წინააღმდეგობით შინაარსზე არის აგებული“, - აღნიშნა ირაკლი ქადაგიშვილმა.
ევროპარლამენტის ანგარიში, რომელიც საქართველოს საზოგადოებაში პოლარიზაციისა და რადიკალური განწყობების წახალისების მორიგ მცდელობად შეფასდა, დასამტკიცებლად სავარაუდოდ, 18-21 მაისის პლენარულ სხდომაზე გავა.
იმედი
წყარო: imedinews.ge