ირანის ისლამური რევოლუციის გუშაგთა კორპუსის ინფორმაციით, მათ ბაჰრეინსა და ქუვეითში მდებარე 85 ამერიკული სამიზნე დაბომბეს

ირანის ისლამური რევოლუციის გუშაგთა კორპუსი აცხადებს, რომ გვიან ღამე ბაჰრეინსა და ქუვეითში მდებარე აშშ-ის 85 სამხედრო ობიექტზე იერიში მიიტანა. ინფორმაციას ირანული მედია ავრცელებს.

ოპერაცია მას შემდეგ განხორციელდა, რაც შეერთებული შტატები სამხრეთ ირანში განხორციელებულ საჰაერო დარტყმებსა და ცეცხლის შეწყვეტის შესახებ შეთანხმების დარღვევაში დაადანაშაულეს.

გუშაგთა კორპუსის მტკიცებით, ამერიკული ავიაიერიშების მიზანი იყო ირანის მოკლული უზენაესი ლიდერის აიათოლა ალი ხამენეის დაკრძალვის ცერემონიისთვის ხელის შეშლა.

ცნობისთვის, აშშ-ის შეიარაღებული ძალების ცენტრალურმა სარდლობამ (CENTCOM) გვიან ღამით გაავრცელა ინფორმაცია, რომლის თანახმადაც ამერიკელმა სამხედროებმა ირანზე იერიშები მიიტანეს. ამერიკული მხარის მტკიცებით, იერიშები მიზნად ისახავდა ირანის მიერ საერთაშორისო წყლებში სამოქალაქო გემების წინააღმდეგ განხორციელებული აგრესიისთვის „მძიმე საფასურის“ დაკისრებას.