ირანის საგარეო საქმეთა მინისტრის მოადგილე: აშშ-თან ურთიერთგაგების მემორანდუმის ტექსტი შეთანხმებულია და მას ხელი ოფიციალურად პარასკევს, შვეიცარიაში მოეწერება

ირანის საგარეო საქმეთა მინისტრის მოადგილემ განაცხადა, რომ აშშ-თან ურთიერთგაგების მემორანდუმის ტექსტი შეთანხმებულია და მას ხელი ოფიციალურად პარასკევს, შვეიცარიაში მოეწერება.

„ურთიერთგაგების მემორანდუმის ტექსტი საბოლოოდ ჩამოყალიბდა და „ისლამაბადის მემორანდუმის“ ოფიციალური ხელმოწერა შვეიცარიაში პარასკევს შედგება“, - განუცხადა ქაზემ ღარიბაბადიმ სახელმწიფო მედიასაშუალებებს.

„ჩვენი ვალდებულებები ძალაში პარასკევიდან შევა“, - ხაზგასმით აღნიშნა ღარიბაბადიმ.

„ადგილობრივი დროით, დღეს დილიდანვე დაუყოვნებლივ ამოქმედდება ორი საკითხი“, - განმარტა მან. „პირველი, ომის მუდმივი და დაუყოვნებლივი შეწყვეტა ყველა ფრონტზე, მათ შორის ლიბანში. მეორე, იმ საზღვაო ბლოკადის მოხსნა და გაუქმება, რომელიც ამერიკის შეერთებულმა შტატებმა ირანის ისლამურ რესპუბლიკას დაუწესა“, - დასძინა მან.

ღარიბაბადის თქმით, ეს მემორანდუმი „მხოლოდ დიპლომატიური ძალისხმევის შედეგი არ არის“ და იგი ირანის „სამხედრო მიღწევებსაც“ მიაწერა.