ჯორჯ ბიბი: ისეთი სახელმწიფოები, როგორიც უკრაინა და საქართველოა, ძალიან ფრთხილად უნდა იყვნენ ნატოს გაწევრიანებასთან დაკავშირებით - ნატოში გაწევრიანების აზრს ვერ ვხედავ ვერც თბილისის ან დასავლეთის გადმოსახედიდან

მიმაჩნია, რომ ნატო აღმოსავლეთით აღარ გაფართოვდება. არავინ უჭერს ამას მხარს ამერიკის შეერთებულ შტატებში. არ მგონია ეს მიდგომა შეიცვალოს, - განაცხადა ქუინსის ინსტიტუტის ვიცე-პრეზიდენტმა და დიდი სტრატეგიების დირექტორმა ჯორჯ ბიბიმ გადაცემაში „თბილისის დროით“.

მისი თქმით, საქართველოს უსიამოვნო შედეგების მომტანი ომი ჰქონდა რუსეთთან, რაც გარკვეულწილად ნატოს აღმოსავლეთ ევროპაში გაფართოების სურვილის შედეგიa.

„ვაშინგტონში მიხვდნენ, რომ ნატოში საქართველოსა და უკრაინის გაწევრიანების მცდელობა რუსეთთან კონფლიქტისკენ პირდაპირ მიმავალი გზაა, ეს არ გვსურს. არ მგონია, რომ ეს ოდესმე განვიხილოთ. ნატოში გაწევრიანება არც საქართველოს ინტერესებში შედის.

საქართველოს ძალიან უსიამოვნო შედეგების მომტანი ომი ჰქონდა რუსეთთან, რაც გარკვეულწილად ნატოს აღმოსავლეთ ევროპაში გაფართოების სურვილის შედეგიa. მიმაჩნია, რომ ბევრმა ქართველმა გაიზიარა გამოცდილება, რომ ასეთი რისკის გაწევა არ ღირს. ამჟამად კი ამერიკის შეერთებული შტატები მიანიშნებს პარტნიორებს, რომ შესაძლოა ნატოს წევრი სახელმწიფოს თავდაცვის მიზნითაც არ ჩაებას ომში.

ტრამპი გერმანელებს და სხვებს ხშირად ეუბნება, რომ არ იცის დაეხმარება თუ არა მათ საჭიროების შემთხვევაში, განსაკუთრებით მას შემდეგ, რაც ევროპელებმა ირანის წინააღმდეგ ჩვენს დახმარებაზე უარი განაცხადეს.

მგონია, რომ ისეთი სახელმწიფოები, როგორიც უკრაინა და საქართველოა, ძალიან ფრთხილად უნდა იყვნენ ნატოში გაწევრიანებასთან დაკავშირებით. ნატოში გაწევრიანების აზრს ვერ ვხედავ ვერც თბილისის ან დასავლეთის გადმოსახედიდან“, - აღნიშნა ჯორჯ ბიბიმ.