კაია კალასი კიევის დაბომბვის საპასუხოდ რუსეთისთვის დამატებითი სანქციების დაწესების ინიციატივით გამოდის

ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში კაია კალასი რუსეთის მიერ კიევზე მიტანილ იერიშებს სოციალურ ქსელში გამოეხმაურა.

მისი განცხადებით, უკრაინის დედაქალაქზე თავდასხმები, მხოლოდ დაგმობით არ შეწყდება. ევროკომისიის ვიცე-პრეზიდენტის თქმით, იერიშების საპასუხოდ იგი დღეს ახალ სანქციებს წარადგენს იმ სუბიექტების წინააღმდეგ, რომლებიც რუსეთის სამხედრო ინდუსტრიულ კომპლექსს უჭერენ მხარს.

კალასი განმარტავს, რომ რაც მეტ თავდასხმას მოაწყობს მოსკოვი მშვიდობიან მოქალაქეებზე, მით მეტი სანქცია დაუწესდება.

„კიევზე თავდასხმებს მხოლოდ სიტყვიერი დაგმობა ვერ შეაჩერებს. ამისთვის საჭიროა უკრაინის მიმართ მდგრადი სამხედრო მხარდაჭერა და მოსკოვზე გაზრდილი ზეწოლა. ამ კვირაში ევროკავშირმა დაიწყო 90 მილიარდი ევროს ოდენობის სესხიდან 6 მილიარდი ევროს გამოყოფა, რომელიც კიევის თავდაცვით შესაძლებლობებს აძლიერებს. დღეს მე ვაპირებ წინადადების წარდგენას სანქციების გაფართოების შესახებ იმ სუბიექტების წინააღმდეგ, რომლებიც რუსეთის სამხედრო-ინდუსტრიულ კომპლექსს უჭერენ მხარს. რაც უფრო მეტად ესხმის თავს მოსკოვი მშვიდობიან მოსახლეობას, მით უფრო მეტი სანქცია უნდა დაწესდეს. ჩვენ გავზრდით ფასს მანამ, სანამ რუსეთი არ მიხვდება, რომ ვერ გაიმარჯვებს“, - დაწერა კალასმა.

Words of condemnation alone will not stop attacks on Kyiv. Only sustained military support for Ukraine and increased pressure on Moscow can do that. This week, the EU has started disbursing €6 billion under the €90 billion support loan to strengthen Kyiv’s defences. Today, I… — Kaja Kallas (@kajakallas) July 2, 2026