ლაშა დარსალია: ვისაუბრეთ არსებულ ვითარებაზე, იმ გამოწვევებზე, რის წინაშეც მთელი რეგიონი დგას და ვისაუბრეთ იმ პროცესებზე, რომელიც მიმდინარეობს რეგიონული თანამშრომლობის და დაკავშირებადობის თვალსაზრისით

ვისაუბრეთ არსებულ ვითარებაზე, იმ გამოწვევებზე, რის წინაშეც მთელი რეგიონი დგას და ვისაუბრეთ იმ პროცესებზე, რომელიც მიმდინარეობს რეგიონული თანამშრომლობის და დაკავშირებადობის თვალსაზრისით, - განაცხადა საქართველოს საგარეო საქმეთა მინისტრის მოადგილემ, ლაშა დარსალიამ.

მისივე თქმით, საქართველოსთვის მნიშვნელოვანია ის სამშვიდობო პროცესები, რომელიც მიდის რეგიონში.

„ეს არის პროცესები, რომელსაც საქართველო 30 წელი ელოდებოდა და თვითონ საქართველოც, როგორც ერთ-ერთი მნიშვნელოვანი აქტორი, უზრუნველყოფს და ბევრს სთავაზობს მთელს რეგიონს თანამშრომლობის თვალსაზრისით. საქართველო ერთ-ერთი პირველი იყო, რომელმაც რეგიონული თანამშრომლობის თვალსაზრისით გადადგა ნაბიჯები“, - აღნიშნა ლაშა დარსალიამ.

სომხეთში საერთაშორისო კონფერენცია „ერევნის დიალოგი 2026“ იმართება.