ლევან მახაშვილი ევროკავშირთან ურთიერთობაზე: როდესაც ვისმენთ აბსურდულ ბრალდებებს, აბსურდულ განცხადებებს ამას უპასუხოდ ვერ დავტოვებთ. ყველაფერს ვაძლევთ სათანადო შეფასებას. ადრე თუ გვიან, როდესაც დავსხდებით მოლაპარაკების მაგიდასთან, ყველაფერს უნდა ერქვას თავისი სახელი
ჩვენი პოლიტიკა არის მარტივი, მაქსიმალურად ვფოკუსირდეთ პოზიტიურ დღის წესრიგზე. ის ქვეყნები, რომლებიც დაინტერესებულები არიან საქართველოსთან თანამშრომლობით, პარტნიორობით ჩვენ მზად ვართ თანამშრომლობისთვის, - გადაცემაში „იმედი LIVE“ საქართველოს პარლამენტის ევროპასთან ინტეგრაციის კომიტეტის თავმჯდომარემ, ლევან მახაშვილმა საგარეო პოლიტიკაზე საუბრისას.
მისი თქმით, მიუხედავად საქართველოს პოზიტიური დღის წესრიგისა, ქვეყანა იძულებულია უპასუხოს აბსურდულ ბრალდებებს, რომელი უმატესად ევრობიუროკრატების მხრიდან მოდის.
„მეორე მხრივ, როდესაც ვხედავთ აბსურდულ ბრალდებებს, აბსურდულ განცხადებებს ზოგიერთ ელჩის მხრიდან, ზოგიერთი თანამდებობის პირის მხრიდან, როცა ჩამოდიან და წინასაარჩევნო პროცესებში ერთვებიან პოლიტიკოსები, რა თქმა უნდა ამას უპასუხოდ ვერ დავტოვებთ. ყველაფერს ვაძლევთ სათანადო შეფასებას. ადრე თუ გვიან, როდესაც დავსხდებით მოლაპარაკების მაგიდასთან, ყველაფერს უნდა ერქვას თავისი სახელი“, - განაცხადა ლევან მახაშვილმა.
იმედი
წყარო: imedinews.ge