ლევან მახაშვილი ოპოზიციაზე: იმ რეაქციებიდან, რასაც ვხედავთ შეწყალების პროცესიდან გამომდინარე, აბსოლუტურად არ უღირთ აქციაზე დაკავებული პირების თავისუფლება იმისთვის რომ ახალი რეზოლუციები გამოაცხონ საქართველოს წინააღმდეგ, ახალი სანქციების დაწესება მოითხოვონ. ჩვენ კარგად დავინახეთ რადიკალური ოპოზიციის სახე, რომელთათვისაც ჩალის ფასი აქვს თითოეულ ადამიანს და მათ თავისუფლებას

იმ რეაქციებიდან, რასაც ჩვენ ვხედავთ შეწყალების პროცესიდან გამომდინარე, აბსოლუტურად არ უღირთ აქციაზე დაკავებული პირების თავისუფლება იმისთვის რომ ახალი რეზოლუციები გამოაცხონ საქართველოს წინააღმდეგ, ახალი სანქციების დაწესება მოითხოვონ. ჩვენ კარგად დავინახეთ რადიკალური ოპოზიციის სახე, რომელთათვისაც ჩალის ფასი აქვს თითოეულ ადამიანს და მათ თავისუფლებას, - აღნიშნა საქართველოს პარლამენტის ევროპასთან ინტეგრაციის კომიტეტის თავმჯდომარემ, ლევან მახაშვილმა, რითიც საქართველოს პარლამენტის თავმჯდომარის წერილს გამოეხმაურა.

მისი თქმით, საზოგადოებამ კარგად დაინახა თუ რა რეაქციები აქვთ შეწყალების ჰუმანურ აქტზე რადიკალებს.

„საზოგადოებამ დაინახა, რომ ამ პირების მიერ ჩადენილი მძიმე დანაშაულების მიუხედავად სახელმწიფო არის ჰუმანური, მათ მიმართ, რომლებიც აღიარებენ, გაათვითცნობიერებენ თავიანთ დანაშაულს და შეეცდებიან, რომ ცივილურად დაუბრუნდნენ საზოგადოებას. მეორე მხრივ ისიც დაინახეს, რომ რადიკალური ოპოზიციისთვის ჩალის ფასი აქვს მათ ბედს, ჩალის ფასი აქვს მათ თავისუფლებას, ერთადერთი რისთვისაც სჭირდებათ ეს ადამიანები, არის პაიკად გამოყენება საკუთარი პოლიტიკური აქტივობისთვის. გაწირონ, კანონთან დაპირისპირებისთვის. იმ რეაქციებიდან, რასაც ჩვენ ვხედავთ შეწყალების პროცესიდან გამომდინარე, აბსოლუტურად არ უღირთ მათი თავისუფლება, პირიქით ურჩევნიათ ციხეში წლობით, დაკარგონ ცხოვრების ძვირფასი ნაწილი, იმისთვის რომ ახალი რეზოლუციები გამოაცხონ საქართველოს წინააღმდეგ, ახალი სანქციების დაწესება მოითხოვონ. ჩვენ კარგად დავინახეთ რადიკალური ოპოზიციის სახე, რომელთათვისაც ჩალის ფასი აქვს თითოეულ ადამიანს და მათ თავისუფლებას“, - განაცხადა ლევან მახაშვილმა.

შეგახსენებთ, რომ შალვა პაპუაშვილი ძალადობრივი აქციებისას დაკავებულებზე აღნიშნა: „ჩვენი დამოკიდებულება არც მაშინ ყოფილა განსხვავებული და არც დღეს შეცვლილა: ეს ადამიანები მანიპულაციის მსხვერპლები არიან. ჯერ გამოიყენეს როგორც ბარიკადის ჯარისკაცები, ახლა კი პატიმარ-მსხვერპლებად იყენებენ“.