მადიარი: უნგრეთი კვლავ ეწინააღმდეგება ევროკავშირში დაჩქარებულ გაწევრიანებას - თუ უკრაინა მომდევნო 10-15 წლის განმავლობაში წარმატებით დახურავს გაწევრიანების 33-ვე თავს, უნგრეთი მხარს დაუჭერს უკრაინის გაწევრიანებას იურიდიულად სავალდებულო რეფერენდუმის საფუძველზე

სულ რაღაც სამ კვირაში ჩვენ მივაღწიეთ იმას, რაც ვიქტორ ორბანმა და მისმა მთავრობამ ათი წლის განმავლობაში ვერ შეძლეს - ჩვენ მივაღწიეთ ყოვლისმომცველ შეთანხმებას უკრაინასთან უნგრული უმცირესობის 100 000-ზე მეტი წევრის ენობრივი, საგანმანათლებლო, კულტურული და პოლიტიკური უფლებების გაფართოების შესახებ, - განაცხადა უნგრეთის პრემიერ-მინისტრმა, პეტერ მადიარმა.

„ეს შეთანხმება უნგრეთსა და უკრაინას შორის რამდენიმე კვირის განმავლობაში მიმდინარე ინტენსიური, ტექნიკურ დონეზე გამართული მოლაპარაკებების შედეგია, რომელშიც ასევე მონაწილეობდნენ ზაკარპატიის უნგრული უმცირესობის წარმომადგენელი პოლიტიკური და რელიგიური ორგანიზაციები.

უკრაინის მთავრობამ აიღო ვალდებულება, რომ შეთანხმებული ზომები უახლოეს მომავალში ასახოს თავის საკანონმდებლო სისტემაში. შედეგად, უნგრული უმცირესობა ისარგებლებს მნიშვნელოვნად უფრო ფართო საგანმანათლებლო, კულტურული, ენობრივი და პოლიტიკური უფლებებით, ვიდრე მანამდე.

ეს ვალდებულებები ასევე შევა უკრაინის სამოქმედო გეგმაში, რომელიც ევროკავშირს წარედგინება. თუ ეს მოხდება, უნგრეთის მთავრობა მხარს დაუჭერს უკრაინის ევროკავშირში გაწევრიანების მოლაპარაკებების პირველი კლასტერის გახსნას.

უნგრეთი კვლავ ეწინააღმდეგება ევროკავშირში დაჩქარებულ გაწევრიანებას. თუ უკრაინა მომდევნო 10-15 წლის განმავლობაში წარმატებით დახურავს გაწევრიანების 33-ვე თავს, უნგრეთი მხარს დაუჭერს უკრაინის გაწევრიანებას იურიდიულად სავალდებულო რეფერენდუმის საფუძველზე“, - აღნიშნა მან.