მარიამ ლაშხი აშშ-ის ანტიტერორისტული სტრატეგიის დოკუმენტზე: გამოქვეყნდა ის, რაზეც დიდი ხნის განმავლობაში საუბრობდა „ქართული ოცნება“ და რაზეც ჩვენმა ხელისუფლებამ არაერთი მნიშვნელოვანი, საკანონმდებლო ცვლილებები განახორციელა

გამოქვეყნდა და დადგინდა ის, რაზეც დიდი ხნის განმავლობაში საუბრობდა „ქართული ოცნება“ და რაზეც ჩვენმა ხელისუფლებამ არაერთი მნიშვნელოვანი, საკანონმდებლო ცვლილებები განახორციელა, ასევე ის რეფორმები, რაც პასუხობს მიგრაციისგან სახელმწიფოს ეფექტიან დაცვას, - განაცხადა განათლების, მეცნიერებისა და ახალგაზრდობის საკითხთა საპარლამენტო კომიტეტის თავმჯდომარემ, მარიამ ლაშხმა.

მისივე თქმით, მიგრაცია არის ერთ-ერთი ყველაზე დიდი გამოწვევა ევროკავშირისთვის.

„დღეს ვხედავთ, რომ მიგრაცია არის ერთ-ერთი ყველაზე დიდი გამოწვევა ევროკავშირისთვის და ამაზე საუბრობს სწორედ ის სტრატეგიაც, რაც აშშ-მა გამოაქვეყნა. მნიშვნელოვანია ის, რომ დავიცვათ ჩვენი სახელმწიფოს, ჩვენი ქვეყნის მოსახლეობის ინტერესი“, - აღნიშნა მარიამ ლაშხმა.

აშშ-ის ახალი ანტიტერორისტული სტრატეგიის 16 გვერდიან დოკუმენტში ყველაზე მკაცრი შეფასებები ევროპას ეკუთვნის - ანგარიშში ნათქვამია, რომ ევროპა ტერორიზმის სერიოზული საფრთხის წინაშე დგას, ერთდროულად ტერორიზმის სამიზნეცაა და ტერორისტული საფრთხის წარმოშობის ადგილიც, რის მიზეზადაც უკონტროლო მიგრაცია სახელდება. ეროვნული სტრატეგიის ანგარიშში ტრამპის ადმინისტრაცია ევროპას სასწრაფო მოქმედებისკენ მოუწოდებს.