მარიამ ლაშხი კოპენჰაგენში განვითარებულ მოვლენებზე: ვიხილეთ სასტიკი ძალადობა სამართალდამცავი ორგანოების მხრიდან შუაგულ ევროპაში, რომელიც ყოველთვის გამოირჩევა საქართველოს მიმართ კრიტიკული განცხადებებით
განათლების, მეცნიერებისა და ახალგაზრდობის საკითხთა საპარლამენტო კომიტეტის თავმჯდომარემ, მარიამ ლაშხმა, კოპენჰაგენში განვითარებული მოვლენები მედიასთან შეაფასა.
„ჩვენ ვიხილეთ სასტიკი ძალადობა სამართალდამცავი ორგანოების მხრიდან შუაგულ ევროპაში, დანიაში, რომელიც ყოველთვის გამოირჩევა საქართველოს მიმართ კრიტიკული განცხადებებით, მათ შორის აქციასთან დაკავშირებით ვნახეთ მათი განცხადებები.
არ ვიცი, ამას ორმაგი სტანდარტი თუ უსტანდარტობა ჰქვია, როდესაც საკუთარ ქვეყანაში, შუაგულ ევროპაში ამ ძალადობრივ ქმედებებს ვერ ხედავ და შეფასებას არ უკეთებ, თუმცა, ყოველთვის იცლი საქართველოს კრიტიკისთვის, რომელიც ევროპის შეფასებებით, სამართლიანობის ინდექსში მოწინავეა“, - აღნიშნა მარიამ ლაშხმა.
როგორც ცნობილია, დანიაში აქციის დასაშლელად პოლიციამ ხელკეტები გამოიყენა. ვრცელდება ვიდეოც, სადაც პოლიცია მედიის წარმომადგენელსაც გაუსწორდა ფიზიკურად.
დანია ის სახელმწიფოა, რომელიც საქართველოში მიმდინარე პროცესებზე საკუთარ შეფასებებს სისტემატურად გამოხატავს.
იმედი
წყარო: imedinews.ge