მარკო რუბიო: ირანს ჯერ კიდევ ბევრი დრონი აქვს

აშშ-ის სახელმწიფო მდივანმა, მარკო რუბიომ სამშაბათს აღიარა, რომ ირანელებს „ჯერ კიდევ ბევრი დრონი აქვთ“, თუმცა დასძინა, რომ ამ ტექნოლოგიის სიიაფე მას რთულად დასაძლევ საფრთხედ აქცევს.

„ეს არის გავრცელებული პრობლემა მთელ მსოფლიოში. ჩვენ უნდა ვიპოვოთ ამის ეკონომიკური გადაჭრის გზა, თუმცა, მიუხედავად ამისა, [ირანის] დრონების წარმოების შესაძლებლობაც კი დასუსტებულია“, - განუცხადა რუბიომ სენატის საგარეო ურთიერთობათა კომიტეტის წევრებს.

ამერიკის მთავარმა დიპლომატმა ეს საჯარო გამოსვლა გამოიყენა იმისათვის, რომ ხაზი გაესვა აშშ-ის არმიის მიერ ირანის სამხედრო თავდაცვის დასუსტებაზე იმ ომის განმავლობაში, რომელიც პრეზიდენტმა დონალდ ტრამპმა თებერვლის ბოლოს ირანის წინააღმდეგ წამოიწყო.

მისი თქმით, ირანის „კონვენციური ფარი“ - რაკეტებისა და დრონების გამოყენება საკუთარი ბირთვული პროგრამის დასაცავად - „მნიშვნელოვნად არის შესუსტებული“.