მარკო რუბიო ირანზე: ვფიქრობ, მნიშვნელოვან პროგრესს მივაღწიეთ

მარკო რუბიომ აშშ-სა და ირანს შორის მოლაპარაკებებზე მნიშვნელოვანი პროგრესის შესახებ განაცხადა. ამ თემაზე აშშ-ის სახელმწიფო მდივანმა ინდოეთში გამართულ პრესკონფერენციაზე ისაუბრა. მისი თქმით, აშშ უპირატესობას ანიჭებს დიპლომატიურ არხებს ომის დასასრულებლად და დაამატა: „ვფიქრობ, მნიშვნელოვან პროგრესს მივაღწიეთ“.

რუბიო ასევე აღნიშნავს, რომ შესაძლოა მსოფლიომ უახლოეს საათებში კარგი ამბები შეიტყოს, „მინიმუმ სრუტესთან დაკავშირებით“.

„ჯერ კიდევ გვაქვს გარკვეული სამუშაო შესასრულებელი. არის „კარგი ამბები“, მაგრამ „არა საბოლოო ამბები“, - დასძინა რუბიომ.

მან აღნიშნა, რომ აშშ-ის მიზნები „ძალიან მკაფიო“ იყო: ირანის სამხედრო-საზღვაო ფლოტის, ბალისტიკური რაკეტების გაშვების შესაძლებლობების განადგურება და მისი „თავდაცვითი სამრეწველო ბაზის“ დაზიანება.

„ეს იყო ოპერაცია „ეპიკური რისხვის“ მიზნები და ეს მიზნები მიღწეულია“, - განაცხადა მან.

მანამდე მოლაპარაკებებზე პროგრესის შესახებ ირანის საგარეო საქმეთა სამინისტროშიც განაცხადეს.