მედია: უკრაინამ ბაშკირეთში რუსეთის თავდაცვის საწარმო დაბომბა
უკრაინულმა დრონებმა რუსეთის ბაშკორტოსტანის რესპუბლიკის ქალაქ სტერლიტამაკში სამხედრო-სამრეწველო ობიექტს შეუტიეს. ინფორმაციას უკრაინული მედია ავრცელებს.
მედიის ცნობით, ქალაქი უკრაინიდან 1 300 კილომეტრის მოშორებით მდებარეობს.
ადგილობრივების ცნობით, თავდასხმის სამიზნე სტერლიტამაკის ნავთობქიმიური ქარხანა გახდა. საწარმო საავიაციო საწვავსა და სხვა მასალებს აწარმოებს, რომლებიც რუსეთის თავდაცვის მრეწველობაში გამოიყენება.
ბაშკირეთის ხელისუფლებამ დაადასტურა, რომ სტერლიტამაკის სამრეწველო ზონას დრონები დაესხნენ თავს, თუმცა, თავდაპირველად, არ დაუკონკრეტებია, რომელი ობიექტი გახდა თავდასხმის სამიზნე.
როგორც მედია იუწყება, სტერლიტამაკი უკრაინის შორ მანძილზე მოქმედი დრონების თავდასხმების ობიექტი არაერთხელ გამხდარა. 2025 წლის ნოემბერსა და 2026 წლის აპრილში უკრაინული დრონები ქალაქის ნავთობქიმიურ ქარხანას დაესხნენ თავს. საწარმო რუსეთის სამხედრო-სამრეწველო კომპლექსისთვის საავიაციო საწვავსა და სხვა მასალებს აწვდის.
ბოლო თავდასხმა სტერლიტამაკის სამრეწველო ზონაზე 27 აგვისტოს განხორციელდა.
იმედი
წყარო: imedinews.ge