ნიკ პეტრო: იმ შემთხვევაში, თუ კიევი საკუთარი ნებით შეეცდება მშვიდობის მიღწევას, ევროკავშირი უკრაინას დაემუქრება უმნიშვნელოვანესი ეკონომიკური, სამხედრო და უსაფრთხოებასთან დაკავშირებული თანადგომის გაუქმებით

როდ-აილენდის უნივერსიტეტის პროფესორმა, ნიკ პეტრომ საკუთარ წიგნზე, „უკრაინის ტრაგედია - რას გვასწავლის კლასიკური ბერძნული ტრაგედია კონფლიქტის მოგვარების შესახებ“, გადაცემაში „თბილისის დროით“ ისაუბრა.

როგორც მან აღნიშნა, წიგნის მთავარი არგუმენტია გავიაზროთ, რომ ეს კონფლიქტი არის იმ განსხვავებულ კულტურებს შორის დაპირისპირება, რომლებიც ისტორიული უკრაინის ნაწილს წარმოადგენენ.

„კულტურებს შორის დაპირისპირების ბერძნული ტრაგედია კარგი თვალსაზრისია. მაგალითად ბერძენი ისტორიკოსი თუკიდიდეს ნაშრომი - პელოპონესის ომის თაობაზე. ნაშრომი კონფლიქტის საფუძვლებზეა აგებული, სპარტასა და ათენის კულტურული ხედვების განსხვავებებზე. თუკიდიდეს აზრით, ასეთი კონფლიქტების თავიდან არიდების ერთადერთი გზა გახლავთ დიალოგი. ეს თვალსაზრისი ადრე მე მიბიძგებდა რომ უკრაინის შემთხვევაში, უპირატესობა მივანიჭო საზოგადოების მიერ თავად გაჯანსაღებას და არა საერთაშორისო გზებით კონფლიქტების მოგვარების მეთოდს. ბოლო დროს კი აზრი შევიცვალე, რადგან უკრაინა უკვე აღარ წარმოადგენს დამოუკიდებელ აქტორს. უკრაინას მშვიდობა რომც სურდეს, ევროკავშირი ამას შეეწინააღმდეგება. იმ შემთხვევაში, თუ კიევი საკუთარი ნებით შეეცდება მშვიდობის მიღწევას, ევროკავშირი უკრაინას დაემუქრება უმნიშვნელოვანესი ეკონომიკური, სამხედრო და უსაფრთხოებასთან დაკავშირებული თანადგომის გაუქმებით“, - აღნიშნა ნიკ პეტრომ.