ნინო წილოსანი: აზერბაიჯანიდან ენერგორესურსების ევროპაში გადაზიდვა საქართველოს გარეშე ვერ მოხდება. ამიტომ იმის მიუხედავად, როგორ ცდილობენ, რომ დააიგნორონ საქართველოს ფაქტორი ევროკავშირის ლიდერებმა, საქართველოს როლი ნათელია

აზერბაიჯანიდან ენერგორესურსების ევროპაში ჩასვლა და გადაზიდვა, რა თქმა უნდა, საქართველოს გარეშე ვერ მოხდება. ამიტომ იმის მიუხედავად, როგორ ცდილობენ, რომ დააიგნორონ საქართველოს ფაქტორი ევროკავშირის ლიდერებმა, საქართველოს როლი ნათელია და ჩვენ ამ პროცესში აქტიურ მონაწილეობას მივიღებთ, - განაცხადა საქართველოს პარლამენტის ვიცე-სპიკერმა ნინო წილოსანმა აზერბაიჯანის პრეზიდენტის და იტალიის პრემიერის შეხვედრასთან დაკავშირებით.

მისი თქმით, საქართველოს როლი ენერგორესურსების ტრანზიტში ძალიან დიდია და ევრობიუროკრატების, მცდელობა დააიგნორონ გეოგრაფია ღიმილის მომგვრელია.

„ევრობიუროკრატების მხრიდან ხშირად არის ფაქტების იგნორირება, ახლა უკვე დაიწყეს გეოგრაფიის იგნორირებაც. საქართველო იმ გეოგრაფიის ნაწილია, რომლითაც აზია ევროპას უკავშირდება და ეს არის ერთ-ერთი მსხვილი კვანძი. იტალიის პრემიერ-მინისტრი აზერბაიჯანში იმყოფებოდა და მან დაიწყო მუშაობა ენერგეტიკული რესურსების ალტერნატიული წყაროების მოძიებისთვის. აზერბაიჯანიდან ენერგორესურსების ევროპაში ჩასვლა და გადაზიდვა, რა თქმა უნდა, საქართველოს გარეშე ვერ მოხდება. ამიტომ იმის მიუხედავად, როგორ ცდილობენ, რომ დააიგნორონ საქართველოს ფაქტორი ევროკავშირის ლიდერებმა, საქართველოს როლი ნათელია და ჩვენ ამ პროცესში აქტიურ მონაწილეობას მივიღებთ“, - განაცხადა ნინო წილოსანმა.

საქართველოს როლს ევროპის ენერგეტიკულ უსაფრთხოებაში ახალი გეოპოლიტიკური ვითარება კიდევ უფრო ნათელს ხდის - ამის შესახებ სხვადასხვა გამოცემებში აქტიურად იწერება. ჰორმუზის სრუტეში მიმდინარე პროცესების გამო, იტალიის პრემიერ-მინისტრისა და აზერბაიჯანის პრეზიდენტის შეხვედრის შემდეგ, აქტიურად დაიწყო საუბარი ევროპულ ქვეყნებში გაზის აზერბაიჯანიდან იმპორტზე, ამ მარშრუტში კი გადამწყვეტ როლს, საქართველო თამაშობს. ანალიტიკოსი ჯეკ პრანდელი სატრანზიტო რუკას აქვეყნებს, სადაც აზერბაიჯანიდან ევროპის მიმართულებით გაზის მიწოდება, სწორედ საქართველოს გავლით ხდება.