ნინო წილოსანი: დამოუკიდებლობა არ არის ერთჯერადი პროცესი, ეს არის ყოველდღიური შრომა და სწრაფვა იმ თავისუფლებისთვის, რომელიც გამოიხატება ჩვენი ქვეყნის სუვერენიტეტისა და ტერიტორიული მთლიანობის შენარჩუნებასა და გამყარებაში

26 მაისი ჩვენი იდენტობის, დამოუკიდებლობის, თვითმყოფადობის კიდევ ერთი საზეიმო დღეა, - განაცხადა პარლამენტის ვიცე-სპიკერმა ნინო წილოსანმა.

„ამ დღეს მთლიანად ქართველი ხალხი და ჩვენი სახელმწიფო კიდევ ერთხელ აღნიშნავს რამხელა ბრძოლისა და თავდადების შედეგად მოვიპოვეთ, შევინარჩუნეთ დამოუკიდებლობა და რომ დამოუკიდებლობა არ არის ერთჯერადი პროცესი, ეს არის ყოველდღიური შრომა და ყოველდღიური სწრაფვა იმ თავისუფლებისთვის, რომელიც გამოიხატება ჩვენი ქვეყნის სუვერენიტეტისა და ტერიტორიული მთლიანობის შენარჩუნებასა და გამყარებაში“, - აღნიშნა წილოსანმა.

26 მაისს საქართველო დამოუკიდებლობის დღეს ზეიმობს.