ოპოზიციის ლიდერებმა სომხეთის საპარლამენტო არჩევნებზე საკუთარი არჩევანი დააფიქსირეს

სომხეთის ოპოზიციური პარტიების ლიდერებმა საპარლამენტო არჩევნებზე საკუთარი ხმები დააფიქსირეს. საარჩევნო უბნების დატოვების შემდეგ ისინი ჟურნალისტებს გაესაუბრნენ.

„დღეს სიტყვას ამბობს ხალხი. რასაც ხალხი გადაწყვეტს, ისე იქნება. გამიხარდება, თუ ქვეყანაში რყევა და არეულობა არ მოხდება, რადგან ყოველი ასეთი რყევა ჩვენი ქვეყნის განვითარებას უკან სწევს. საუბარიც კი არ მინდა იმ სცენარზე, რაც შეიძლება განვითარდეს ფაშინიანის გამარჯვების შემთხვევაში. ახლაც გრძელდება ჩვენი მომხრეების დაკავება. ბევრი დააკავეს დღესაც. არა უშავს, საშიში არაფერია.

ევროკავშირს შეუძლია [სომხური] პროდუქციის ნაწილის მიღება, მაგალითად გარგარს მიიღებენ. მინდა ვუსურვო, რომ მდიდრები იყვნენ“, - განაცხადა „ძლიერი სომხეთის ლიდერმა სამველ კარაპეტიანმა.

პარტია „აყვავებული სომხეთის“ ლიდერმა, გაგიკ ცარუკიანმა კი ყურადღება პარტიის წევრების დაკავებაზე გააკეთა.

„დღეს ჩვენი 50 მომხრე დააკავეს, მაგრამ ჩვენ გავიმარჯვებთ. ხალხი დაიღალა, მათ ცვლილება უნდათ, ჩვენ კი იმისთვის მოვდივართ, რომ მათი მდგომარეობა გავაუმჯობესოთ, რომ ქვეყანაში სიმშვიდე იყოს. სახელმწიფო რთულ მდგომარეობაშია. ხალხმა სწორი არჩევანი უნდა გააკეთოს. შეუძლიათ ევროპა აირჩიონ, მაგრამ ამ შემთხვევაში უნდა გაითვალისწინონ, რომ გაზი სამჯერ გაძვირდება, ვაჭრობა და ტვირთბრუნვა ევროპული სტანდარტების ქვეშ მოექცევა“, - აღნიშნა მან.