პარატაეკვონდოს ნაკრები მიუნხენში გამართული ევროპის ჩემპიონატიდან საქართველოში დაბრუნდა - ნაკრებმა ტურნირზე 2 ოქრო, 3 ვერცხლი და 7 ბრინჯაო მოიპოვა

პარატაეკვონდოს ნაკრები მიუნხენში გამართული ევროპის ჩემპიონატიდან საქართველოში დაბრუნდა. სპორტსმენებს თბილისის საერთაშორისო აეროპორტში გულშემატკივრები დახვდნენ. ეროვნული ნაკრები კონტინენტის პირველობაზე 13 სპორტსმენით იყო წარმოდგენილი და მათგან 12-მა მედალი მოიპოვა.

ჩემპიონები ანა ჯაფარიძე და ანდრეი სლეპცოვი გახდნენ. 2 ოქროს მედლის გარდა ქართველი პარატაეკვანდოისტების ანგარიშზე 3 ვერცხლი და 7 ბრინჯაოა. საქართველოს ნაკრებმა გუნდურ ასპარეზობაში მეორე ადგილი დაიკავა და გუნდური თასის მფლობელი გახდა.