პარიზთან ტყის ხანძართან ბრძოლაში ავიაცია ჩაერთო
საფრანგეთის დედაქალაქის სამხრეთით გაჩენილი ძლიერი ტყის ხანძრის ჩასაქრობად, პარიზის რეგიონში 2 სახანძრო თვითმფრინავის სასწრაფო მობილიზება გახდა საჭირო.
ფონტენბლოს ტყის ხანძარმა, რომელსაც ოფიციალურმა პირებმა „მძვინვარე“ და „განსაკუთრებული მასშტაბის“ უწოდეს, ნაწილობრივ ჩაკეტა ქვეყნის მთავარი ჩრდილოეთ-სამხრეთის ავტომაგისტრალი, რამაც მოძრაობა შეაფერხა.
ორშაბათს დილით, ოფიციალურმა პირებმა განაცხადეს, რომ ცეცხლი 800 ჰექტარზე მეტ ფართობზე გავრცელდა და ტყეში, რომელიც პარიზიდან სამხრეთ-აღმოსავლეთით დაახლოებით 60 კილომეტრში მდებარეობს, კვლავ ვრცელდება.
საფრანგეთის მეხანძრეთა ეროვნული ფედერაციის წარმომადგენელმა, ერიკ ბროკარდიმ განაცხადა, რომ ეს პირველი შემთხვევაა, როდესაც ქვეყნის ჩვეულებრივ უფრო მშრალი და ცხელი სამხრეთიდან სახანძრო თვითმფრინავები პარიზის რეგიონში ხანძრის ჩასაქრობად გაგზავნეს. მან ასევე დასძინა, რომ მობილიზებული იყო ორი სახანძრო ვერტმფრენი და ერთი სათვალთვალო თვითმფრინავი.
პარიზის რეგიონი წელს ანომალიურ სიცხის უკვე მესამე ტალღას ებრძვის.
იმედი
წყარო: imedinews.ge