პესკოვის განცხადებით, უკრაინაში ომის შეწყვეტის შესახებ დიალოგში ძვრები არ არის
რუსეთის პრეზიდენტის პრესმდივანმა, დმიტრი პესკოვმა ფილიპინებზე რუსეთისა და აშშ-ის წარმომადგენელთა შეხვედრის შემდეგ განაცხადა, რომ უკრაინაში ომის შეწყვეტის შესახებ დიალოგში ახალი ძვრები არ არის.
„ამ სიტუაციაში ზედმეტ ოპტიმიზმს არ მივეცემოდი. კონტაქტები ნამდვილად ხორციელდება - ეს ყოველთვის პოზიტიურია. მაგრამ ახლა რაიმე ახალ დინამიკაზე ან ახალ დაჩქარებაზე საუბარი არ არის საჭირო“, - აღნიშნა მან.
რუსეთისა და აშშ-ის ლიდერების შესაძლო შეხვედრის შესახებ დასმული კითხვის კომენტირებისას, პესკოვმა განაცხადა, რომ ამერიკულ მხარესთან დიალოგი „არსებული სამუშაო არხებით“ გრძელდება და იმედი გამოთქვა, რომ კომუნიკაცია მოსკოვში გაგრძელდება.
აშშ-ის სახელმწიფო მდივანი მარკო რუბიო და რუსეთის საგარეო საქმეთა მინისტრი სერგეი ლავროვი ერთმანეთს მანილაში სამხრეთ-აღმოსავლეთ აზიის ქვეყნების ასოციაციის (ASEAN) მინისტერიალის ფარგლებში შეხვდნენ. შეხვედრა ნახევარ საათზე მეტხანს გაგრძელდა. შეხვედრის შემდეგ რუბიომ სოციალურ ქსელში დაწერა, რომ ლავროვთან უკრაინაში ომის დასრულების საკითხი განიხილა.
იმედი
წყარო: imedinews.ge