პოდოლიაკი: უკრაინაში არჩევნები, შესაძლოა, 2027 წლის გაზაფხულზე ჩატარდეს

უკრაინის პრეზიდენტის ოფისის მრჩევლის, მიხაილო პოდოლიაკის განცხადებით, ქვეყანაში არჩევნები, შესაძლოა, 2027 წლის გაზაფხულზე ჩატარდეს.

„უკრაინაში არჩევნები, შესაძლოა, 2027 წლის გაზაფხულზე ჩატარდეს“, - განაცხადა პოდოლიაკმა.

ამასთან ერთად, მას არ დაუკონკრეტებია, თუ რომელ არჩევნებზეა საუბარი - საპრეზიდენტო, თუ საპარლამენტო.

პოდოლიაკის განცხადებით, არჩევნების ჩატარება მიმდინარე წლის არც გაზაფხულზე, არც შემოდგომაზე შესაძლებელი არ არის. არჩევნების ჩატარებისთვის საჭიროა, რომ მინიმუმ სამი თვის განმავლობაში უკრაინაში საბრძოლო მოქმედებები არ მიმდინარეობდეს.

მისი თქმით, თუ უკრაინა რუსეთის ენერგოობიექტებზე სისტემურ დარტყმებს გააგრძელებს, არჩევნების ჩატარება 2027 წლის გაზაფხულზე შესაძლებელი იქნება.