ქუთაისის მერიაში საქართველოში სომხეთის ელჩს უმასპინძლეს

ქუთაისის მერი დავით ერემეიშვილი და მერის პირველი მოადგილე გიორგი ცხაკაია საქართველოში სომხეთის რესპუბლიკის საგანგებო და სრულუფლებიან ელჩს აშოტ სმბატიანს შეხვდნენ.

ქუთაისის მერიის ცნობით, შეხვედრაზე მხარეებმა საქართველოსა და სომხეთს შორის არსებულ მეგობრულ ურთიერთობებზე ისაუბრეს და სამომავლო თანამშრომლობის შესაძლებლობებზე იმსჯელეს.

საუბარი შეეხო დამეგობრებულ ქალაქებს - ქუთაისსა და გიუმრის - შორის ურთიერთობის უფრო აქტიურ და ეფექტურ ეტაპზე გადასვლის საკითხს, განსაკუთრებით, განათლებისა და კულტურის სფეროების მიმართულებით.