Reuters: AfD-ის მხარდაჭერა აღმოსავლეთ გერმანიის მხარეში არჩევნების წინ მკვეთრად იზრდება

ხუთშაბათს გამოქვეყნებული გამოკითხვის თანახმად, პარტია „ალტერნატივა გერმანიისთვის“ (AfD) სექტემბერში აღმოსავლეთ გერმანიის ერთ-ერთი მხარის არჩევნებში გამარჯვებისკენ მიისწრაფვის. ეს ზრდის იმის პერსპექტივას, რომ პარტიამ რეგიონული მთავრობა ისტორიაში პირველად ჩაიბაროს, - წერს საინფორმაციო სააგენტო Reuters-ი.

გამოკითხვამ აჩვენა, რომ საქსონია-ანჰალტის მხარეში AfD-ის მხარდაჭერა 41%-მდე გაიზარდა, რაც წინა გამოკითხვასთან შედარებით 2 პუნქტით მეტია.

ის მნიშვნელოვნად უსწრებს კანცლერ ფრიდრიხ მერცის კონსერვატიულ „ქრისტიან-დემოკრატიულ კავშირს“ (CDU), რომელსაც 26% აქვს. „სოციალ-დემოკრატები“, რომლებიც ფედერალურ კოალიციაში მერცის უმცროსი პარტნიორები არიან, 7%-იან ნიშნულზე დარჩნენ.

კოალიციის მიმართ იმედგაცრუება საყოველთაოა მერცის თანამდებობაზე მოსვლიდან სულ რაღაც ერთი წლის შემდეგ, ხოლო ეროვნულ გამოკითხვებში პარტია დაახლოებით იმავე ნიშნულზეა, რაზეც „ქრისტიან-დემოკრატიული კავშირი“ (CDU).