რიკარდ იოზვიაკი მადიარის განცხადებაზე უკრაინის ევროკავშირში გაწევრიანების ვადებზე: 10-15 წელი სინამდვილეში სწორედ ისაა, რასაც ევროკავშირის დედაქალაქებში ადამიანების უმეტესობა რეალისტურ პერიოდად მიიჩნევს
„რადიო თავისუფლების” ევროპის ბიუროს რედაქტორი, რიკარდ იოზვიაკი უნგრეთის პრემიერ-მინისტრის, პეტერ მადიარის განცხადებას გამოეხმაურა, რომელმაც აღნიშნა, რომ თუ უკრაინა მომდევნო 10-15 წლის განმავლობაში წარმატებით დახურავს ევროკავშირში გაწევრიანების 33-ვე თავს, ბუდაპეშტი მხარს დაუჭერს უკრაინის გაწევრიანებას იურიდიულად სავალდებულო რეფერენდუმის საფუძველზე.
იოზვიაკი აღნიშნავს, რომ ბლოკის წევრი ქვეყნების დედაქალაქებში უმეტესობა სწორედ ამ ვადებში მიიჩნევს უკრაინის ევროკავშირში გაწევრიანებას რეალურად.
„ბევრი გამოეხმაურა მადიარის ვარაუდს 10-15 წელიწადში უკრაინის ევროკავშირში გაწევრიანებისთვის მზადყოფნის შესახებ, თუმცა ეს ვადები სინამდვილეში სწორედ ისაა, რასაც ბრიუსელში და ევროკავშირის სხვა დედაქალაქებში ადამიანების უმეტესობა რეალისტურ პერიოდად მიიჩნევს - არა 2027 წელი, არა 2030 წელი, არამედ 2030-იან წლები“, - წერს იოზვიაკი.
— Rikard Jozwiak (@RikardJozwiak) June 4, 2026
იმედი
წყარო: imedinews.ge