რუბიო: ირანი თანახმაა ბირთვული პროგრამის გარკვეულ ასპექტებზე მოლაპარაკებები გამართოს

აშშ-ის სახელმწიფო მდივანმა, მარკო რუბიომ ამერიკელ კანონმდებლებს განუცხადა, რომ ირანი დათანხმდა მოლაპარაკებებს თავისი ბირთვული პროგრამის იმ ასპექტებზე, რომელთა განხილვაზეც მანამდე კატეგორიულ უარს ამბობდა.

მიუხედავად ამისა, რუბიომ ხაზგასმით აღნიშნა, რომ ეს წინგადადგმული ნაბიჯი არ იძლევა იმის გარანტიას, რომ დიალოგი წარმატებით დასრულდება და მიმდინარე ომის დასრულების შეთანხმებამდე მიიყვანს მხარეებს.

სენატორებთან შეხვედრისას სახელმწიფო მდივანმა განმარტა, რომ ირანის თავდაპირველი განზრახვა საკუთარი კონვენციური შეიარაღების გაძლიერება იყო, რათა ის ბირთვული პროგრამის ერთგვარ „ფარადაც“ გამოეყენებინა.

„მათი გეგმა იყო, შეექმნათ კონვენციური თავდაცვითი ფარი და ამ ფარის უკან დაემალათ თავიანთი ბირთვული პროგრამა“, - განაცხადა რუბიომ.

მისივე თქმით, სწორედ ეს იყო მთავარი მიზეზი, რის გამოც აშშ-ის პრეზიდენტმა, დონალდ ტრამპმა სამხედრო მოქმედებების დაწყება აუცილებელ ნაბიჯად მიიჩნია.