რუსეთმა უკრაინის რამდენიმე ოლქს შეუტია

რუსეთმა უკრაინის რამდენიმე ოლქზე მასშტაბური იერიში მიიტანა. უკრაინის პრეზიდენტის განცხადებით, ოკუპანტმა თავდასხმა 500-ზე მეტი დრონითა და 22 რაკეტით განახორციელა.

ქალაქ დნიპროზე დრონებითა და რაკეტებით იერიშის შედეგად დაზიანდა საცხოვრებელი სახლები, დაშავდა 20-მდე ადამიანი, მათ შორის 2 მცირეწლოვანი ბავშვი. ოკუპანტმა სამოქალაქო ინფრასტრუქტურასა და კრიტიკულ ობიექტებზე თავდასხმა განახორციელა ოდესაში, ჩერნიჰოვისა და ზაპოროჟიეს ოლქებშიც.