შალვა პაპუაშვილი დიპლომატიური აკადემიის შექმნაზე: მიზანი არის, რომ მოხდეს კვალიფიციური დიპლომატებისთვის განათლების მიცემა
მიზანი არის, რომ მოხდეს კვალიფიციური დიპლომატებისთვის განათლების მიცემა, - განაცხადა საქართველოს პარლამენტის თავმჯდომარემ შალვა პაპუაშვილმა დიპლომატიური აკადემიის შექმნასთან დაკავშირებით.
მისი თქმით, გარდა იმისა, რომ მომზადდება კვალიფიციური კადრები, აკადემიის კურსდამთავრებულებს ექნებათ გარანტირებული დასაქმების შესაძლებლობა.
„მიზანი არის, რომ მოხდეს კვალიფიციური დიპლომატებისთვის განათლების მიცემა, რომელიც იქნება მათ შორის საგარეო საქმეთა სამინისტროს კურირების ქვეშ და კონცენტრირებულად იქნება ორიენტირებული იმაზე, რომ გამოუშვას ამ სასწავლებელმა დიპლომატები, რომლებიც ერთი, რომ გარანტირებულად შეძლებენ დასაქმებას, ვინაიდან ორიენტირებული იქნება იმ მოთხოვნაზე, რომელიც არსებობს ამ მხრივ. და მეორეს მხრივ, იქნება პრაქტიკასთან ახლოს განათლების მიღება, რაც განსაკუთრებით დიპლომატიური სამსახურისთვის არის მნიშვნელოვანი“, - განმარტა შალვა პაპუაშვილმა.
პარლამენტმა დიპლომატიური აკადემიის შესახებ კანონში ცვლილებების განხილვა დაიწყო. კანონპროექტის თანახმად, შეიქმნება დიპლომატიის აკადემია, რომელიც უზრუნველყოფს პროფესიონალი დიპლომატების აღზრდას.
იმედი
წყარო: imedinews.ge