შალვა პაპუაშვილი: ელენე ხოშტარიას მიმართ რაიმე სხვა სახის მიდგომები არ არის. თუკი აქვს ჯანმრთელობის პრობლემები, სახელმწიფო უფასოდ აწვდის ყველა საჭირო სამედიცინო მომსახურებას, რაც მას სჭირდება
პენიტენციურ დაწესებულებაში ელენე ხოშტარიასთვის, ისევე, როგორც სხვა მსჯავრდებულებისთვის, შექმნილია სათანადო პირობები, - განაცხადა დღეს გამართულ ბრიფინგზე საქართველოს პარლამენტის თავმჯდომარემ, შალვა პაპუაშვილმა ელენე ხოშტარიას ჯანმრთელობის მდგომარეობაზე საუბრისას.
მისივე თქმით, პენიტენციურ დაწესებულებაში თუკი ვინმეს აქვს ჯანმრთელობის პრობლემები, მას აქვს სათანადო უფასო სამედიცინო მომსახურება.
„ასე რომ ელენე ხოშტარიას მიმართ რაიმე სხვა სახის მიდგომები არ არის. თუკი აქვს ჯანმრთელობის პრობლემები, სახელმწიფო უფასოდ აწვდის ყველა საჭირო სამედიცინო მომსახურებას, რაც მას სჭირდება, ისევე, როგორც ამას აკეთებს ყველა მსჯავრდებულის მიმართ“, - განაცხადა პაპუაშვილმა.
ელენე ხოშტარიას ჯანმრთელობის მდგომარეობასთან დაკავშირებით სპეციალური პენიტენციური სამსახურის გენერალურმა დირექტორმა გიორგი პატარიძემ განმარტება გააკეთა.
იმედი
წყარო: imedinews.ge